OOR ONS
Persoonlike Kwaliteit Diens is ons leuse! En natuurlik met baie liefde.
Huis Lekkerbly Bejaardesorg is `n geregistreerde nie-winsgewinde maatskappy (maatskappy sonder winsbejag/nie-winsgewinde maatskappy)(Huis Lekkerbly Bejaardesorg NPC) wat die doel het om versoring en huisvesting met verskeie dienste aan bejaarde persone te verskaf op `n kort- of langtermyn basis.
By Huis Lekkerbly Bejaardesorg is dit ons visie om aan bejaardes wat nie meer selfversorgend is nie, gehalte profesionele sorg in`n huislike omgewing te bied waar hul in privaatheid en waardigheid hul lewensreis kan voltooi.
1 Jan 2007 open Huis Lekkerbly Bejaardesorg Stilbaai se deure met 3 bejaardes, Suster Enid Louw se ouers (Theuns & San De Lange) en Tannie Anna. Wanneer mens oor die afgelope 13jaar terug kyk, sien mens die hand van ons Hemelse Vader oor Huis Lekkerbly Bejaardesorg waar meer as 90 bejaardes hul laaste dae deurgebring het.
Image
2020 Merk ook Huis Lekkerbly Bejaardesorg se 13de bestaansjaar en is baie dankbaar vir `n uitsondelike goeie reputasie en naam in en deur die wyer gemeenskap.
Huis Lekkerbly Bejaardesorg is gestig deur Suster Enid Louw, ook die huidige bestuurder, en Madre Hansen het in 2019  deelgeword van die organisasie sowel as bestuur. Verskeie vollunteers en persone lewer dienste en is betrokke met die opheffing en ondersteuning van die inwoners op `n gereelde basis.
Huis Lekkerbly Bejaardesorg Stilbaai is ook goedgekeur deur die Departement van Sosiale Dienste, Wes-Kaap om te verseker dat daar voldoen word aan alle vereistes en bepalings vir die dienste gelewer aan bejaardes.
Huis Lekkerbly Bejaardesorg bied Lang-en korttermyn verblyf vir bejaardes in gerieflike huislike omgewing met 24 uur bystand en versorging onder professionele verpleegkundige toesig, etes, wasgoed en skoonmaakdiens ingesluit. Opgeleide versorgingspersoneel is 24 uur aan diens onder professionele verpleegkundige toesig.
Huis Lekerbly Bejaardesorg Stilbaai is gerieflik naby die Spar-winkelsentrum en NG kerk gelee sodat aktiewe inwonders veilige en gemaklike uitstappies kan onderneem. Huis Lekkerbly Bejaardesorg Stilbaai het huidiglik 7 kamers in die huis waar 9 inwoners gehuisves kan word met `n Alzheimers afdeling waar 6 inwoners gehuisves kan word.
1 Julie 2020 open Huis Lekkerbly Bejaardesorg Bredasdorp. Twee wooneenhede sal beskikbaar wees en 3 kamers wat 6 persone kan huisves (deelkamers). Volsorg, gedeeltlike sorg sowel as selfsorg dienste is beskikbaar.
KORTTERMYN VERBLYF
  • Dagsorg
  • Na- operatiewesorg
  • Versorg u `n bejaarde of gestremde tuis en het self nooit `n wegbreek kans nie? U kan hom of haar by ons bespreek, vir `n naweek of self langer, terwyl u weggaan.
  • Persoonlike Kwaliteit Diens!
LANGTERMYN VERBLYF
  • Gemaklike huislike omgewing
  • Drie gebalanseerde etes per dag
  • Wasgoed
  • 24-Uur Hulp & Toesig
  • Bestuur deur Verpleegkundige
  • Maksimum Inwonders: 10-15

Nou ook `n Tuisversorging Diens beskikbaar in Stilbaai omgewing- Kontak ons gerus vir u behoeftes en vir `n evaluasie van die persoon om `n kwotasie te voorsien! (Hierdie diens sal ook binnekort in die Kaap Agulhas omgewing beskikbaar wees)

Alle hulp, finasiele of ander hulp word deurentheid benodig en sal hoog op prys gestel word om te verseker dat die organisasie volhoubare kwaliteit diens kan lewer.

Donasies kan direk aan die organisasie gemaak word, gedeelte van `n polis kan bemaak word, en bydraes kan ook in die boedel ingewerk word om Huis Lekkerbly Bejaardesorg NPC te ondersteun. U sal ook binnekort `n Artikel 18A Sertifikaat kan ontvang vir belastingdoeleindes vir geldelike skenkings/donasies wat gemaak word aan Huis Lekkerbly Bejaardesorg NPC. Kontak ons gerus indien u van die dienste wil gebruik maak vir uself of u ouers.

Image

 

-  E E R S T E    I N W O N E R S  -
HuisLekkerbly Bejaardesorg Stilbaai het op 1 Januarie 2007 geopen met drie bejaardes te Kerkstraat 5, Stilbaai!